Rognebærmøllvarsling
Rognebærmøllen kan vera ein alvorleg skadegjerar i eple, men berre i dei åra det ikkje er nok eggleggingsstader i rognebær. Rognebærmøllen klekker frå overvintrande pupper på våren, og for å vurdera om det er fare for angrep må ein både vita kor mykje rognebær det var året før, og kor mykje rognebær det er i høve til vaksne rognebærmøll inneverande år.
Prognose for angrep vert rekna ut for meir enn 50 stasjonar fordelt på alle fruktdistrikt (sjå kart). Varslinga av rognebærmøll er eit samarbeid mellom lokale rådgjevarar i NLR og NIBIO.
Fordi utviklinga til rognebærmøllen er avhengig av temperatur, kan utviklingsfarten og tidspunkt for tiltak variera mellom ulike område. For å vurdera når ein skal setja inn tiltak må ein vita når rogna stod i full blom og så rekna varmesummen ut frå det.
Du kan lesa meir om rognebærmøll i Plantevernleksikonet og meir om varslingsmodellen her, eller i infoskrivet VIPS Rognebærmøll.
Generelle meldingar om prognose, utvikling og tiltak finn du her.
Meldingar
Varselet for dei fleste områda er klare, og det ser førebels ut som det ikkje vert angrep av rognebærmøll i eple år.
Det var lite rogn og lite angrep av rognebærmøll i rogn i fjor. I år er det mykje blom og det ser ut til å verta nok eggleggingdstader for rognebærmøllen i rogn. Truleg vert det ikkje makka-eple dette året. På grunn av manglande tal frå 2023 er det ikkje mogeleg å rekna ut sikkert varsel for Telemark, men i og med at det ikkje er varsla angrep i andre fruktdistrikt vil det truleg ikkje verta angrep der heller. Det er laga nye sider for utrekning av sverming, egglegging og klekking av egg i VIPS. Det kjem meir informasjon om det i neste melding.
- Fare for åtak
- Mogleg fare for åtak
- Ingen fare for åtak
- Varsel ikkje rekna ut
Varmesum for rognebærmøll
The development of the apple fruit moth depends on temperature, so the development rate and timing of measures will vary between districts. To assess the timing, you must have noted when the rowan was in full bloom (50% of the cluster is covered with open flowers) and calculated the heat sum after that.
Eg vil bruka vêrdata
Foto: Sverre Kobro og E. Fløistad, NIBIO